買滿$250 香港、澳門免運費 
消費券今日開始喇，除咗到各分銷商門市選購，CLS Garage網店亦接受 Tap&Go 及八達通付款方式。未諗到用消費券買乜好？一齊睇吓我地嘅Staff Pick 精選推介！
【Point 65 Boblbee GTX 25L硬殼背囊】
來自瑞典嘅Point 65 Boblbee 背囊其實已經有超過20年歷史，獨特嘅硬殼設計絕對堪稱經典！最大賣點當然係擁有歐盟（EN1621 Level 2）認證，提供相當於電單車護甲嘅保護能力。
硬殼造型除咗防護，亦係提供無限DIY改造可能。除咗貼上車廠貼紙，亦有玩家攞外殼嚟拉花、彩繪、改裝！原廠嘅彩色飛鏢扣、頭盔網等改裝組件之外，仲有唔少第三方推出嘅CNC配件、鈦合金螺絲。只要你敢想像，一定能夠改造出獨一無二嘅背囊！
今年Point 65仲推出咗Cappuccino沙色同埋Jetstream淺藍色，快啲睇吓15種配色邊隻最襯你造型！
【Quad Lock 手機架系統】
來自澳洲嘅Quad Lock絕對係市面上最完整嘅手機架系統。除咗設計特別適合電單車，無論係私家車、單車、日常運動、攝影定辦公室環境，Quad Lock都總有一套啱你嘅安裝方案。今年推出嘅Quad Lock 360更加適合改造於特別用途，你要安裝落直昇機都okay！
對於電單車友，最實用嘅當然係Vibration Damper同埋Weatherproof Wireless Charging Head。連埋手機架三樣嘢組裝埋一齊，一體化設計簡潔之餘，仲能夠避免引擎震動損壞手機鏡頭，同時提供QC快速充電！係電單車導航必備之選！
【Cardo Packtalk Bold 頭盔通訊系統】
如果想一班人出車傾計對講，Cardo Packtalk Bold絕對係市面上性價比最高嘅選擇！唔洗二千蚊，已經享受到業界最可靠嘅DMC 網狀網絡連接方式，唔單只配對過程超級簡單，行Mesh嘅連接方式無論穩定性同距離同傳統藍牙技術絕對係兩個世界，用過你就明。
是但啦用app對講就算？其實出車對講重要考慮收音、降噪、斷線後自動重新連線、對講同時開導航、中途講個電話、休息完起行唔洗重新配對即刻可以開始對講……等無數個出車需要考慮嘅問題。DMC系統唔係完美，但肯定係最針對出車需要而設計嘅系統。
千零蚊嘅價錢，已經配備40mm JBL耳機！無論對講定係聽歌，沿途都為你提供最嘅澎湃音色！想用最抵嘅價錢享受DMC對講同埋JBL音效，搵埋車友一起買Packtalk Bold Duo雙機裝就無錯喇。
【Cardo Freecom 2X頭盔通訊系統】
如果你唔會一班人出車，偶然先同固定一個半個車友對講，咁Freecom 2X可能係一個更抵玩嘅選擇。雖然佢無Packtalk系列強勁嘅 DMC 技術，但亦採用咗Live Intercom對講技術，簡單黎講就係藍牙技術嘅升級版，斷線後亦會自動重新連線，已經比普通藍牙技術可靠好多。
當然亦唔少得40mm JBL耳機，JBL手機APP調音等功能，提供同Packtalk系列一致嘅絕佳音色。呢代嘅Freecom X系列仲有快速充電，充20分鐘已經用到兩個鐘、USB C連接、 Over the air透過手機App更新韌體、Wideband intercom更佳對講音質等等。
加埋帶住手套都操控方便嘅滾輪、Cardo全線防塵防水規格、可靠2年現貨保用，Freecom 2X啱晒對音質有要求嘅用家。想機價最抵，都係叫埋車友一齊買Duo雙機裝啦。
【Cardo Spirit HD頭盔通訊系統】
最可靠嘅入門級藍牙耳機。價格直逼淘寶貨，但你已經享受到Cardo出名可靠嘅收音降噪技術。40mm HD耳機雖然唔係JBL規格，但絕對已經超越同級，聽歌音色已經唔錯！
而且對講同音樂能夠自動混音處理、可以同時連接兩部手機、內置收音機、手機APP更新、13小時強勁電量、充20分鐘用到兩個鐘嘅快速充電、防塵防水規格，總之你日常使用需要嘅功能，Spirit HD全部都比晒你！最緊要係2年現貨保用，以後同用一年半載就壞機嘅藍牙說再見！
想要再平啲？記得睇埋Duo雙機裝同埋更入門嘅Spirit型號喇。
【TWISK EQUIPMENT頭盔烘乾機】
潮濕天氣又黎喇，要謝絕頭盔臭味梗要有一部。水份是細菌滋生的基本條件，TWISK EQUIPMENT頭盔烘乾機透過冷熱風將水份抽乾，再配以UV-C短波紫外線殺滅細菌，徹底隔絕臭味根源！
短波紫外線UV-C波長介於100-280nm之間，係能夠抗禦病毒細菌的非肉眼可見光線。實驗測試證明，UV-C對分解微生物DNA極為有效果，能殺死99%細菌，在數分鐘內有效使病毒和細菌失去活性。除菌消臭之餘，更為頭盔深層消毒！
TWISK EQUIPMENT頭盔烘乾機仲配備烘手套配件、除咗頭盔，手套、頭套、Cap帽都啱用。加埋PTC半導體加熱器自動調節溫度、自動計時功能，呢個夏天同臭味講再見！
【EZ COAT 電鍍塗漆】
鍾意整色整水嘅車友 EZ COAT就啱晒你。EZ COAT施工超級簡易，用隨盒附送嘅納米海綿塗抹，就可以為電鍍飾件變色。甚至係頭燈、指揮燈、車軨、前叉外管、死氣喉、碳纖維等都可以隨時變色！
而且最緊要係EZ COAT 電鍍、金屬、玻璃表面都適用，用酒精抹就可以輕鬆還原，驗車唔洗煩！不過如果係膠件，最好搵不顯眼位置試清楚先，因為有時膠件老化，可能會輕微蝕色，咁就未必能夠完美還原喇。
同埋EZ COAT 防水、耐熱，就算用高壓水槍洗車都無問題。喺例如車廠標誌等不常接觸位置，效果可持續高達12個月。但當然，例如牛角呢類經常摩擦嘅位置，就唔係咁適合喇。如果希望效果更持久，施工後不妨加噴光油。
今日就幫自己架車變吓色啦！
【KAPPA KFR480金屬尾箱】
覺得58L金屬尾箱太大，但42L又唔夠裝？咁KAPPA獨有嘅KFR480 金屬尾箱就啱晒你！48L容量擺放一個頭盔後依然有充足空間放車冚、雨衣雨褲等其他雜物。
相對窄身嘅尾箱，無論對泊骨位定望後鏡嘅視野都有較少影響。所以，如果你唔需要擺兩個頭盔，而有想有比較充足嘅儲物空間，KFR480絕對係一個好選擇！
【KAPPA K43尾箱】
KAPPA K43尾箱絕對係品牌中最受歡迎嘅款式！雖然價格只需$1280，但已經附送底板同埋乘客椅墊！43L容量啱晒擺放兩個Full Face頭盔，X型結構強尾箱剛性，特大手柄方便拆出攜帶，加埋仿碳纖飾面同硬朗嘅造型，絕對係實用性、外觀、價格嘅完美平衡！
不過提醒一下，K43同大部分其他尾箱一樣，都擺唔落兩個Shoei X14呢類有大鴨尾嘅頭盔。所以如果一心尾箱想放兩個頭盔，最穩陣都係到各門市先試清楚喇！